|
მართალია არსენალი მანჩესტერთან დამარცხდა და ჩემპიონთა ლიგის საგზურის მოპოვების შანსი კიდევ უფრო გაირთულა, მაგრამ მაინც ჰქონდა ამ თამაშს, რაღაც დადებითი, ემირეითსზე ორ "მეთოფეს" ჰქონდა დებიუტი პრემიერლიგაში, ნიკო იენარისი საერთოდ პირველად გამოჩნდა ამ ტურნირში, ხოლო ალექს ოქსლეიდ-ჩემბერლენი ძირითად შემადგენლობაში პირველად გამოჩნდა.
ოქსლეიდმა რობინ ვან პერსის საგოლე პასიც კი გაუკეთა, რომლითაც არსენალმა იმ მატჩში ერთადერთი გოლი გაიტანა.
"ოქსლეიდს შეუძლია იამაყოს თავისი თამაშით, რაც მან პრემიერლიგის პირველ მატჩში აჩვენა. მან შესანიშნავად ითამაშა დიდი გუნდის წინააღმდეგ და აჩვენა, რომ დიდი პოტენციალი აქვს. მას შეუძლია კიდევ უკეთ ითამაშოს, რითაც ყველანი მოხარულები დავრჩებით." - აქებს კაპიტანი ახალგაზრდა თანაგუნდელს.
ნიკო იენარისი იმავე აღნიშნულ მატჩში მეორე ტაიმიდან ჩაერთო და საკმაოდ კარგადაც, მას ლუიშ ნანის წინააღმდეგ მოუწია თამაში და როგორც გამოჩნდა არსენ ვენგერს არ უღალატა გუმანმა და ნიკომაც გაამართლა იმედები.
"მე რამდენიმე კვირაა ვაკვირდები ნიკოს და ვხედავ მის პროგრესს. მას კარგად შეუძლია მარჯვენა ფლანგზე თამაში და თავდამსხმელთა შეჩერება.
მატჩის დასაწყისში ვხედავდი თუ, როგორ ავიწროებდა არსენალის დაცვას ლუიშ ნანი, მაგრამ, როცა იენარისი გამოჩნდა მისმა ქმედებამ იკლო. ჩემბერლენის მსგავსად მასაც შეუძლია იამაყოს თავისი თავით, რადგან მათ შეუძლიათ კარგი ფეხბურთი ითამაშონ." - კაპიტანი ამჯერად იენარისზე საუბრობს.
კაპიტნის და უდავო ლიდერის ასეთი ჟესტი მისასალმებელია, რადგან ახალგაზრდებს ეს მოტივაციას ჰმატებს და მომავალში უკეთ თამაშის გარანტიას იძლევა.
| 
da imitomac vart yvelaze susti gundi istoriis mandzilze :)))))
>( 
