|
დღეს არსენალის კაპიტანმა, რობინ ვან პერსიმ კატეგორიულად უარყო ხმები იმის შესახებ, რომ თითქოს მას მთავარ მწვრთნელთან, არსენ ვენგერთან უთანხმოება ჰქონდეს.
ამ განცხადების გაკეთება კი მას შემდეგ გახდა საჭირო, რაც მანჩესტერთან თამაშში, ჩებერლენის შეცვლით გამოწვეული მისი უკმაყოფილება, დიდმა ნაწილმა კაპიტნის მწვრთნელთან უთანხმოებას მიაწერა:
"ტყუილია ის, რომ თითქოს მე და არსენ ვენგერს ერთმანეთში უთანხმოება გვქონდეს ან მის კომპეტენციებში ვერეოდე. ვაღიარებ, ალექსის შეცვლა მართლა მეწყინა, რადგან ის ამ თამაშში მართლაც, რომ საუკეთესო იყო "მეთოფეთა" მხრიდან და ის ერთადერთი გოლიც, რომლის გატანაც ჩვენ შევძელით, სწორედ მისი საგოლე გადაცემის წყალობით მოხერხდა.
მე არასოდეს დამიყენებია კითხვის ნიშნის ქვეშ მუსიე არსენის პროფესიონალიზმი და არც ჩემი პრეროგატივაა ის თუ ვინ და ვის მაგივრად შემოვა მოედანზე.
მე დიდი ხანია რაც მის გაწვრთნილ გუნდში ვთამაშობ და ყველა ის გადაწყვეტილება რასაც ის იღებს გუნდის კეთილდღეობას ემსახურება. მე ვაღიარებ მის ტალანტსა და როგორც მწვრთნელს, მას უდიდეს თაყვანსაც ვცემ.
რაც შეეხება ალექსის მდგომარეობას, როგორც მოგვიანებით გავიგე, თურმე კოჭს იტკიებდა და ბოსმა აღარ გარისკა მისი მოედანზე ბოლომდე დატოვება. ალექსი ჯერ ძალიან ახალგაზრდაა და მანჩესტერთან მას პირველად ხვდა წილად ამხელა პასუხისმგებლობა და გარდა ამისა ეს იყო პირველი თამაში პრემიერლიგაში, რომელიც ჩემბობ ძირითადში დაიწყო. კარგი იქნებოდა, ამის შესახებ მოედანზეც, რომ გვცოდნოდა და შესაბამისად ამას არც ჩემი ასეთი რეაქცია და თქვენი მხრიდან არც ასეთი აფიშირება არ მოყვებოდა.
ასე, რომ სანამ არ გაიგებთ ბოლომდე რა ხდება, ნუ გაავრცელებთ უაზრო ჭორებს. არსენ ვენგერთან ყოველთვის შესანიშნავი ურთიერთობა მქონდა და ეს ეხლაც ესეა.
ის თანამედროვეობის უდიდესი მწვრთნელია და დღეს თუ მე აქ ვთამაშობ სწორედ მისი დამსახურებაა."
| 
