დღეს ბარსელონას ტექნიკურმა დირექტორმა,სუბიზარეტამ სატრანსფერო ფანჯარასა და იმ დროს განვითარებულ მოვლენებზე ისაუბრა.იგი ასევე შეეხო სესკ ფაბრეგასის თემასაც.ყველას კარგად ახსოვს,არსენალის ოფიციალური ვებ გვერდის მიერ გამოქვეყნებული სტატია,სადაც ეწერა,რომ კლუბმა უარყო ბარსელონას მიერ შეთავაზებული 29 მილიონიანი წინადადება.კატალონიელები ამაზე არ შეჩერდნენ და რამოდენიმე კვირაში მეორე წინადადებით მიმართეს,რომელიც შემდგომში არ გახმაურებულა.
   დღეს კი სუბიზარეტამ განაცხადა,რომ მათ ძალიან სურდათ,"მეთოფეთა" კაპიტნის გადაბირება,მაგრამ როგორც მან განაცხადა,არსენალთან საერთო ენის გამონახვა თითქმის წარმოუდგენელი იყო.მისი თქმით,კატალონიურმა მხარემ,ლონდონელებს მას შემდეგ რაც მათ უარი თქვეს 29 მილიონიან შემოთავაზებაზე,მეორედ შესთავაზეს წინადადება და ამჯერად ფასმა 11 მილიონით აიწია და 40 მილიონს მიუკაკუნა,მაგრამ "მეთოფეთა" პოზიცია საკმაოდ მტკიცე აღმოჩნდა და მათ ნათლად განუცხადეს,რომ ისინი არ აპირებდნენ კაპიტანთან განშორებას და არ შეელეოდნენ იმას,ვისზედაც არსენ ვენგერმა დღევანდელი არსენალი ააშენა.