|
აიაქსის ახალგაზრდა ცენტრალურმა მცველმა იან ვერთგოთენმა განაცხადა,რომ მას სურს პრემიერლიგაში გადასვლა,მაგრამ მხოლოდ 1 წლის შემდეგ.გავრცელებული ინფორმაციის თანახმად მისით ლონდონის არსენალი და ევერტონია დაინტერესებული.
23 წლის ბელგიელი მცველი 10 მილიონად არის შეფასებული და იგი ძალიან კარგი მეგობარია ტომას ვერმაელენის.ისინი აიაქსში ერთად თამაშობდნენ,ხოლო ტომასის ლონდონში გადასვლის შემდეგ ახლა მათ მხოლოდ ნაკრებში უწევთ ერთად თამაში.
თუმცა მას სურს მომდევნო 12 თვის განმავლობაში პირველი ტიტული მოიგოს აიაქსთან ერთად და მხოლოდ ამის შემდეგ დათანხმდება პრემიერლიგაში გადასვლას.მან საკმაოდ ვრცელი ინტერვიუ ჩაწერა,მაგრამ გთავაზობთ უშუალოდ იმ ნაწილს,რომელიც ჩვენთვის საინტერესოა.
თქვენ სხვადასხვა პოზიციებზე გითამაშიათ.რატომ ხდება ეს?
მე ძალიან დიდხანს ვთამაშობდი ნახევარდაცვაში და რაღაც პერიოდი მარცხენა მცველის პოზიციაზე.ნაკრებში მე საყრდენი ნახევარმცველი ვარ,რაც ტექნიკის განვითარებაში დამეხმარა.აიაქსისთვის მე ცენტრალური მცველი ვარ.ცენტრალური მცველობა ჩემი საყვარელი პოზიციაა.
თქვენ ბევრი საერთო გაქვთ ვერმაელენთან.გინდათ მასავით არსენალში ითამაშოთ?
ჩვენ დაცვის ცენტრში არასოდეს ვყოფილვართ პარტნიორები,ალბათ იმიტომ რომ ორივე მემარცხენეები ვართ.აიაქსში სულ ერთად ვთამაშობდით,მაგრამ ზოგჯერ მე ვიყავი მარცხენა ფლანგზე მცველი,ის კი ცენტრალური მცველი,ზოგჯერ კი პირიქით.მე დავკარგე მეგობარი,როდესაც იგი არსენალში წავიდა,მაგრამ ეს კარგი იყო ჩემი კარიერისთვის.
მე მას კვირაში რამოდენიმეჯერ ვესაუბრები.მე მას ნაკრებში ვხედავ,ზოგჯერ როცა თავისუფალია რამოდენიმე დღით ამსტერდამში ჩამოდის და ჩვენ ერთმანეთს ვხვდებით.იგი ჩემი ერთ-ერთი საუკეთესო მეგობარია და ბედნიერი ვარ,რომ არსენალში ასე წარმატებულად ასპარეზობს.მე იგი არსენალზე ძალიან ბევრ კარგს მეუბნება და ლონდონში ცხოვრებაზეც.
არსენალი იყო თქვენით დაინტერესებული?
გავიგე არსენალის გარდა სხვა გუნდებისგანაც იყო შემოთავაზება.ზოგიერთი რამ პრესაშიც ამოვიკითხე.მე ყოველთვის ვამბობდი,რომ კიდევ ერთი წელი უნდა გავატარო აიაქსში და იმედია ამ პერიოდში ტიტულს მოვიგებ.მე ამბიციური ვარ.მინდა ვითამაშო პრემიერლიგაში.პრემიერლიგა ჩემი საყვარელი ლიგაა,მაგრამ ერთი წელი მჭირდება,რათა მზად ვიყო.
მე ყოველთვის ვამბობდი,რომ ამ წელს არ მსურდა კლუბსი დატოვება,ამიტომ კლუბებს ოფიციალური შეთავაზება არ გაუკეთებიათ.ისინი აიაქსს უკავშირდებოდნენ,კლუბი მათ პასუხობდა რომ არ უნდოდათ ჩემი გასხვისება,ასე რომ კიდევ ერთი წლიტ ვრჩები.”-განაცხადა იან ვერთგოთენმა.
| 
