|
იოჰან ჯურუმ განაცხადა,რომ წინა სასეზონო მზადება მისთვის ძალიან მნიშვნელოვანია მას შემდეგ რაც თითქმის მთელი სეზონი გაუცდა.ჯურუმ გასულ სეზონში მხოლოდ ერთი შეხვედრა ჩაატარა,ისიც სეზონის ბოლო მატჩში შეცვლაზე შემოსულმა.
მან მუხლზე ოპერაცია გაიკეთა,სწორედ ამიტომ ვერ გადიოდა მოედანზე.ახლა კი ჯურუ სრულიად ჯანმრთელია და მზადაა იბრძოლოს არსენალის ძირითადისთვის.
”მუხლი კარგად მაქვს.შარშან ამ დროს სულ სხვა იყო,რადგან მე ტკივილს ვგრძნობდი.მაგრამ ეს სეზონი ჩემთვის ახალი დასაწყისია.მე მძიმე სეზონი მქონდა,მაგრამ ახლა თავს კარგად ვგრძნობ,დასვენებულად და მზად ვარ სეზონის დასაწყისისთვის.კიდევ რამოდენიმე შეხვედრის ჩატარება მჭირდება,მაგრამ თავს კარგად ვგრძნობ.
სეზონის დასაწყისამდე კიდევ ბევრი შეხვედრა უნდა ჩავატაროთ.ავსტრიაში ორი მატჩი და მინდა ამ ორში ვითამაშო,რადგან დიდი ხანია არ მითამაშია.ჩემთვის სეზონის წინა მოსამზადებელი ეტაპი ძალიან მნიშვნელოვანია.”
ახალგაზრდა მცველი აგრეთვე მოუთმენლად ელის ემირეითსის თასს,რომელშიც რამოდენიმე ძლიერი გუნდის წინააღმდეგ მოუწევს თამაში.
”კარგია რომ ვთამაშობთ ჩვენ მოედანზე,საკუთარი გულშემატკივრების თვალწინ.წელს ძალიან კარგი გუნდები ითამაშებენ:მილანი,სელტიკი და ლიონი.ყოველთვის კარგი ტურნირია სათამაშოდ.სეზონის დაწყებამდე ვისიამოვნოთ ემირეითსის თასით ჩვენი გულშემატკივრების თანდასწრებით.ვფიქრობ მოსამზადებელი ეტაპის დროს ჩვენთვის ყველა შეხვედრა მნიშვნელოვანია.”-განაცხადა იოჰან ჯურუმ.
|
