არსენალის ამოცანაა გადალახოს პირველ მატჩში შექმნილი დეფიციტი და ჩემპიონთა ლიგის შემდეგ ეტაპზე გავიდეს. გუნდის თავკაცი არსენ ვენგერი დარწმუნებულია რომ მის გუნდს შესწევს ძალა მიაღწიოს სასურველ მიზანსფაბრეგასის გარეშე.
არსენ ვენგერი : ''ჩვენ ყოველთვის შემოგვაქვს რაღაც ახალი ჩვენ თამაშში და ჩვენ შეგვიძლია გავაუმჯობესოთ ხარისხი და შევცვალოთ ჩვენი ისტორია. ჩვენ ვართ ძალიან ახალგაზრდები და ძლიერები და რა თქმა უნდა ჩვენ გვწყურია გამარჯვება. სტუმრად გატანილი გოლი უეფას მოქმედი წესებით კვლავ ითვლება დიდ უპირატესობად, აი რა გვმატებს მეტ თავდაჯერებულობას.
პირველ მატჩში პორტო კარგად იცავდა თავს. მე არ ვფიქრობ რომ მეორე მატჩში ისინი კვლავ იქნებიან ულტრადამცველები. პორტუგალიაში ჩვენ გავუშვით დაუჯერებელი გოლები, ასე რომ ჩვენ გვმართებს მეტი ყურადღება უკანა ხაზში და გოლის გატანა. მე ვიცი რომ ეს იქნება დაუნდობელი ბრძოლა, როგორც ყოველთვის ხდება ჩემპიონთა ლიგაში, პორტოს დონის გუნდებთან, მაგრამ ჩვენ გვაქვს თავდაჯერება და უკეთესი პოზიცია.''
ჟეზუალდო ფერეირა : ''ჩვენ გვჭირდება რწმენა რასაც ვაკეთებთ, რადგან თითოეულ დეტალს შეუძლია მატჩის ბედის გადაწყვეტა. არ მინდა ვისაურო სავარაუდო სცენარებზე რა შეიძლება მოხდეს. ჩვენ ვიცით ჩვენი დონე და ჩვენ ვართ თავდაჯერებულნი. ვიცი რომ ეს იქნება რთული თამაში, მაგრამ ჩვენ გვაქვს იარაღი რომლითაც არსენალს გავურთულებთ საქმეს.
გოლი რომელიც არსენალმა შეგვიგდო მათ აყენებს ძალიან კარგ მდგომარეობაში. მაგრამ იგივე გოლი ჩვენ გვიბიძგებს რომ ვიბრძოლოთ ბოლო წუთამდე და მივაღწიოთ დასახულ მიზანს. გასულ სეზონში ჩვენ მივაღწიეთ მეოთხედფინალს და გვინდა გავიმეოროთ იგივე წელს. მინდა აღვნიშნო ერთი ფაქტი რომ პორტოს არასოდეს მოუგია ინგლისში – ყვეფაფერი ოდესღაც იწყება.''
ტრამვირებულნი:
არსენალი – ფაბრეგასი, ვან პერსი, გიბსი, გალასი, ჯურუ, რამსი.
პორტუ – ფარიასი, ფერნანდო.
|
