უოდლის შემდეგ უოლკოტის გაკრიტიკება ლივერპულის ყოფილმა მცველმა, ალან ჰანსენმაც დაიწყო. ” სისწრაფისა და დრიბლინგის მხრივ ტეოს ყველაფერი რიგზე აქვს. ის ყოველთვის იცხოვრებს ფეხბურთით. თუმცა კითხვა ასეთია: საკმარისია თუ არა ეს იმისთვის რათა ტოპ-ფეხბურთელი გახდე და 20 წლის შემდეგ მას მოიხსენიებდნენ როგორც დიდ ფეხბურთელს. ამ ყველაფერს დრო გვიჩვენებს. თუმცა როდესაც უოდლმა გასულ კვირას განაცხადა რომ ტეოს არ აქვს საფეხბურთო ნიჭი, ეს სწორი გამოთქმა იყო. არ შეიძლება ფეხბურთელი დაადანაშაულო იმაში რომ მას არ უვითარდება საფეხბურთო ინტელექტი, რადგან ის ან გაქვს და ან არა. ეს არაფერია ბუნებრივი ინსტიქტისა და მოვლენების შეცნობის უნარის გარდა. ის აქვს უეინ რუნის და ის ჰქონდა კენი დალგლიშსაც. რათქმაუნდა ტეოს შეუძლია საკუთარი სუსტი მხარეების გამოსწორება. მათ შორის არის ზუსტი პასის მიცემა ზუსტ მომენტში. მას შეუძლია გაცდეს მცველს და თავის თანაგუნდელს გადააწოდოს ბურთი საკუთარი სისწრაფის დახმარებით, თუმცა ის ხშირად არაზუსტ გადაცემებს აკეთებს. ჩვენ ყველა ვნახეთ თუ რისი გაკეთება შეუძლია მას როდესაც თამაში წაუდის. მისი შესანიშნავი დრიბლინგი ჩემპიონთა ლიგის მატჩში ლივერპულის წინააღმდეგ მეორე გოლით დასრულდა და ყველამ დაიწყო იმაზე ლაპარაკი თუ რა კარგი ფეხბურთელი დადგებოდა მისგან. თუმცა ის მის მსგავსებს საკმარისზე იშვიათად აკეთებს. ის უფრო სტაბილური უნდა იყოს რათა საკუთარი დონეე გააუმჯობესოს.”
ყველაფერთან ერთად ჰანსენი დარწმუნებულია რომ ტეო მოახერხებს მუნდიალზე წასვლას. ლივერპულის ლეგენდარული ფეხბურთელი თვლის რომ კაპელო მას განაცხადში მისი ფენომენალური სისწრაფის გამო შეიყვანს
” ასეთ სიტუაციაში კაპელოს არჩევანის გაკეთება ბექჰემს, ლენონსა და რაით-ფილიფსს შორის მოუწევს რათა კიდევ ერთი ვაკანტური ადგილი შეავსოს. ინგლისის ნაკრების პრობლემა ისაა რომ ოთხი მარჯვენა ნახევარმცველიდან, რომელიც მუნდიალზე წასვლაზე პრეტენზიას აცხადებს - ბექჰემი, ლენონი, რაით-ფილიფსი, უოლკოტი, მხოლოდ ერთს აქვს საფეხბურთო ნიჭი და ეს დევიდ ბექჰემია,თუმცა მას არ შეუძლია სირბილი” - განაცხადა ჰანსენმა
