სოლ კემპბელი თვლის რომ მის მიერ პორტოს კარში გატანილი გოლი შესაძლოა მნიშვნელოვანი ფაქტორი აღმოჩნდეს 1/4 ფინალში გადასასვლელად.
ლუკაშ ფაბიანსკის შეცდომამ პორტუგალიელებს საშუალება მისცა დაწინაურებულიყვნენ ამ მატჩში, თუმცა ვეტერანმა მცველმა ანგარიში მალევე გაათანაბრა თავური დარტყმით.
ამის შემდეგ ისევდაისევ სოლი ხდება იმ კურიოზული მომენტის გმირი ფაბიანსკისთან ერთად, როდესაც თავისუფალი დაინიშნა. პორტუგალიელებმა სწრაფად გაითამაშეს საჯარი,ო დარტყმა და ფალკაომაც არ დააყოვნა და გოლი გაიტანა. რაც ბოლო ბურთი აღმოჩნდა ამ შეხვედრაში.

” ჯერ მხოლოდ ნახევარი შეხვედრა ვითამაშეთ და გასვლითმა გოლმა გაცილებით უფრო უნდა გაგვიადვილოს საქმე. გასვლით შეხვედრაში გამარჯვება ძალიან მნიშვნელოვანია. 1:0 რომ წაგვეგო საქმე გაცილებით რთულად გვექნებოდა. გატანილი გოლი არსებით ცვლილებებს შეიტანს თამაშის ტემპზე.
ეს ჩვენ დამატებით უპირატესობას გვანიჭებს საპასუხო შეხვედრაში. თუმცა ჩვენ უკმაყოფილონი ვართ პირველ შეხვედრაში მოპოვებული მარცხით. რა უნდა გავაკეთოთ ეხლა? შევიკრიბოთ და ვითამაშოთ როგორც ერთმა გუნდმა.
რთული სამუშაო გველის წინ თუმცა არასწორად არ გამიგოთ, გაცილებით უფრო რთული იქნებოდა იმ გოლის გარეშე რომელიც გავიტანეთ.”

არსენ ვენგერი უკმაყოფილოა მარტინ ჰანსონის მსაჯობით იმისდა გამო რომ მან არ მიცა არსენალს ცოცხალი კედლის აღმართვის საშუალება. იგივე აზრზეა თავად სოლ კემპბელიც:

” მე შევეხე ბურთს თუმცა ეს შემთხვევით იყო, მსაჯმა კი პირიქით ჩათვალა. როდესაც პორტუგალიელებმა ჯარიმა გაითამაშეს მსაჯი ჩემს წინ იდგა და ვერ მოვახერხე შეტევის ჩაშლა. მან უბრალოდ მისცა მათ ბურთი და პორტუგალიელებიც სწრაფები აღმოჩნდნენ. მე არ გამიგია სასტვენის ხმა და მსაჯმა ხელი მას შემდეგ აღმართა რაც ჯარიმა გაითამაშეს”

არსენალმა ორჯერ მიიღო საკუთარ მოედანზე პორტო ევროთასებზე და ორივეჯერ გაიამრჯვეს. 2006 წელს 2:0 ხოლო გასულ სეზონში კი 4:0