მანიუსთან მარცხის შემდეგ ბევრი გულშემატკივარი არსენალისგან მის დაუძინებელ მტერთან, ჩელსისთან გამარჯვებას ელოდა თუმცა ტყუილად. რადგან ეს არ მოხდა. არსენალი 2:0 დამარცხდა. ამაზე კომენტარი გააკეთა ცნობილი გამოცემის The Times-ის ექსპერტმა ტონი კასკარინომ.
”არსენ ვენგერი ნამდვილად გენიალური მწვრთნელია. თუმცა თუ მეთოფეები ვერც ამ სეზონში შეძლებენ ჩემპიონთა ლიგისთვის ბრძოლას, მაშინ რასაკვირველია ხელმძღვანელობასა და გულშემატკივრებსაც ბევრი კითხვა გაუჩნდებათ მის მომავალზე.
არსენალის პერსპექტივები ამ სეზონში ბურუსით არის მოცული. გუნდი უკვე გამოვარდა ინგლისის თასიდან და ლიგის თასიდანაც, ხოლო პრემიერ-ლიგაში მეორე ადგილს მათ შვიდი ქულა აშორებთ. ჩემპიონთა ლიგაშიც სერიოზული შეხვედრები ელის ვენგერს. არსენალის ფეხბურთელებმა აუცილებლად ნებისმიერ ტურნირში უნდა იბრძოლონ მოსაგებად. ხუთი წელია ტიტულის გარეშე - ეს არც ისე ცოტაა, მეტიც ძალიან ბევრია.
ბრიტანული გამოცემის თანახმად მეთოფეთა ფეხბურთს საკმაოდ კარგად ახასიათებენ: სწრაფი და ლამაზი. და მათ მოწინააღმდეგესაც უგებენ ასეთი თამაშით, თუმცა უნდა აღინიშნოს ეს გუნდები უმეტესს შემთხვევაში არსენალზე გაცილებით სუსტია. თანაბარი დონის გუნდებთან კი არსენალს ძალიან უჭირს თამაში. ეს განსაკუთრებით მანჩესტერთან და ჩელსთანაც გამოჩნდა” - აცხადებს კასკარინო
კასკარინო არსენალის პრობლემებს თავდამსხმელთა ფიზიკურ სისუსტეს ასახელებს. არც ნასრის, არც უოლკოტს და არც არშავინს შეუძლია წინააღმდეგობა გაუწიოს ისეთ მცველებს როგორებიც ტერი და კარვალიო არიან.
”რატომ არ იყიდა ვენგერმა თავდამსხმელი სატრანსფერო ბაზრის დროს?! თავდამსხმაში ფატიურად არავინ თამაშობს. ვან პერსი ტრამვირებულია, ედუარდო ფიზიკურად არ არის მზად სათამაშოდ, ბენდნტერი არადამაჯერებელ ფეხბურთს აჩვენებს და ცოტატი ზარმაციც არის. არსენალის დამრიგებელმა თავის თავს უნდა დააბრალოს რომ გუნდს არცერთი ფეხბურთელი არ დაამატა. ჰარი რედნაპმა კი მიუხედავად იმისა რომ მის გნდში თავდამსხმელთა მთელი რიგი დგას მაინც დაიმატა თავდამსხმელი და ეს ეიდურ გუდიონსენია.” - დაამატა კასკარინომ

აღსანიშნავია რომ ეს სეზონი არსენალისა და ვენგერისთვის ნამდვილად რთული იყო და შესაძლოა ეს მისთვის გადამწყვეტიც აღმოჩნდეს