”არსენალის” ყოფილმა ნახევარმცველმა პოლ მერსონმა მაიკლ ოუენის ”მანჩესტერ იუნაიტედში” გადასვლასთან დაკავშირებით კომენტარი გააკეთა.

 ”ოუენთან კონტრაქტის გაფორმება ფერგიუსონის მიერ გადადგმული შესანიშნავი ნაბიჯია, ჯერ ერთი ის თავისუფალი აგენტია და მეორე - ის პრემიერლიგის ერთ-ერთი საუკეთესო ფორვარდია. მომავალ სეზონში მას გოლის გატანის ბევრი შანსი ექნება და დარწმუნებული ვარ, ბევრს გამოიყენებს. სმართლე რომ გითხრათ არ მჯერა, რომ ოუენის გადაბირება ”არსენალს” არ უცდია, მათ ხომ თავდასხმელებთან დაკავშირებით პრობლემა აქვთ. ვიცი, რომ ინგლისის ნაკრების მთავარი მწრთვნელი ფაბიო კაპელო ოუენის დიდი ფანი არაა, მაგრამ მოდით სიმართლე ვთქვათ, დღესდღეობით მე ვერ დავასახელებ ოუენზე უკეთეს ოთხ თავდასხმელს.”