”ვილიარეალის” ფრანგმა ნახევარმცველმა რობერ პირესმა განაცხადა, რომ იმ შემთხვევაში თუ ”არსენალს” გოლი გაუტანს ის ამას არ აღნიშნავს: ” ძალიან ბედნიერი ვარ, რომ 1/4 ფინალში სწორედ ”არსენალს” ვხვდებით. იქ დაუვიწყარი 8 წელი გავატარე. თუ მე ჩემ ყოფილ გუნდს გოლს გავუტან, გეტყვით, რომ ამ გოლს მე არ ავღნიშნავ, რადგან მე პატივს ვცემ და ძალიან მიყვარს ის გულშემატკივარი, რომელიც 8 წელი გვერდში მედგა და რომელთაც მე ვუყვარდი. მე არ მინდა მათი განაწყენება და მათ ნერვებზე თამაში.” განაცხადა ყოფილმა ”არსენალელმა” რობერ პირესმა, რომელმაც ”მეთოფეთა” მაისურით ჩატარებულ 250-ზე მეტ თამაშში 84 გოლი გაიტანა.