რამსი: ”ფაბრეგასი საუკეთესოა მათ შორის ვისთანაც მე მითამაშია”
”არსენალის” ახალგაზრდა უელსელმა თავდამსხმელმა აარონ რამსიმ ჟურნალისტებისათვის მიცემულ ინტერვიუში ქებით ცაში აიყვანა თავისი გუნდის ესპანელი კაპიტანი სესკ ფაბრეგასი: ”სესკი ძალიან მაგარი ფეხბურთელია. მიუხედავად ასაკისა ისე თამაშობს როგორც გამოცდილი ვეტერანი ფეხბურთელი. ის საუკეთესოა მათ შორის ვისთანაც მე ოდესმე მითამაშია, და არა მარტო მათ შორის. ის მსოფლიოშიც ერთ-ერთი საუკეთესო ნახევარმცველია და მე მეამაყება ის, რომ მისი თანაგუნდელი ვარ და მის გვერდით ვთამაშობ.” განაცხადა აარონ რამსიმ, რომელიც ”არსენალმა” გასულ ზაფხულს ”კარდიფ სიტიდან” 5.5 მილიონ ფუნტად შეიძინა.
