ლონდონის ”არსენალის” ესპანელი კაპიტანის სესკ ფაბრეგასის მამის თქმით, რომელიც ამავდროულად მისი აგენტიცაა განაცხადა, რომ მისი შვილი ლონდონურ კლუბში თავს კარგად გრძნობს: ”ძალიან მიხარია, რომ ჩემი შვილით ისეთი გრანდები არიან დაინტერესებულები, როგორებიც ”ბარსელონა,” ”რეალი,” და ”მილანია.” არ დაგიმალავთ და გეტყვით , რომ ოჯახში ყველა ”ბარსას” ვგულშემატკივრობთ, რა თქმა უნდა ”არსენალის” შემდეგ, რადგან იქ სესკი თამაშობს. მინდა განვაცხადო, რომ სესკი თავისი ”არსენალური” ყოფით კმაყოფილია. წელს მას კაპიტნობა მიანიჭეს, რამაც მას უდიდესი სტიმული და ამასთან ერთად პასუხისმგებლობა დააკისრა. სესკი ”არსენალიდან” აბარგებას, ჯერ არ აპირებს, ყოველ შემთხვევაში იქამდე მაინც სანამ არსენ ვენგერი გუნდის მწვრთნელია. რაც შეეხება მის დაბრუნებას ის უკვე ახლოსაა თავის სასურველ ფიზიკურ ფორმასთან და 4 აპრილს, ”მანჩესტერ სიტისთან” სათამაშოდ მზად იქნება. საკითხავი კი ის არის, რომ გაიყვანს თუ არა ვენგერი მას იმ თამაშში მოედანზე.” განაცხადა ”არსენალის” კაპიტნისა და ესპანეთის ნაკრების ფეხბურთელის სესკ ფაბრეგასის მამამ.