ჩეხეთის ფეხბურთელთა ეროვნული ნაკრებისა და ლონდონის “არსენალის” ნახევარმცველის ტომაშ როსიცკის მოედანზე დაბრუნება გაზაფხულამდე გადაიდო. ამის შესახებ, სააგენტო AP-ი “არსენალის” მთავარი მწვრთნელის არსენ ვენგერის სიტყვებზე დაყრდნობით იტყობინება. “როსიცკი ამჟამად აღდგენით კურსს გადის. იგი კლუბში 17 დეკემბერს გამოცხადდება და იმედი მაქვს, ინდივიდუალური პროგრამით ყოველგვარი დატვირთვების გარეშე ვარჯიშს განაახლებს. მაგრამ მოედაზე მისი დაბრუნება იოლი არ იქნება. საუკეთესო შემთხვევაში ფეხბურთელი თამაშის დაწყებას მარტში შეძლებს” – აცხადებს ვენგერი. 28 წლის როსიცკიმ მუხლის ტრავმა მიმდინარე წლის იანვარში მიიღო, მკურნალობის პორცესში კი, მაისში და ნოემბერში ორი ოპერაციის გადატანა მოუხდა.
gazafxulamde 
