ხორვატიის ფეხბურთელთა ეროვნული ნაკრებისა და ლონდონის “არსენალის” თავდამსხმელი ედუარდო და სილვა, “მეთოფეთა” ძირითად შემადგენლობასთან ერთად ვარჯიშს შეუდგა.
ამის შესახებ საფეხბურთო ინტერნეტ-გამოცემა Goal-ი იუწყება.
წარმოშობით ბრაზილიელ და სილვას, მიმდინარე წლის 23 თებერვალს, პრემიერლიგის მორიგ ტურში “ბირმინგემთან” შეხვედრის დროს, მეტოქე მცველ მარტინ ტეილორის უხეშობის შედეგად წვივის ორივე ძვალი მოტყდა.
ხანგრძლივი მკურნალობის მერე, 25 წლის ფორვარდი დეკემბრის მიწურულს “არსენალის” სარეზერვო გუნდში თამაშს შეძლებს.
და სილვა ლონდონურ კლუბში 2007 წელს გადავიდა და 17 მატჩში 4 გოლი გაიტანა.
ხორვატიის ეროვნული გუნდი რიგებში ჩატარებულ 22 შეხვედრაში მან მეტოქის კარი 13-ჯერ აიღო.