სახელი: ბაკარი სანია
დაბადების თარიღი: 14 თებერვალი,1983 წელი
დაბადების ადგილი: სენსი, საფრანგეთი
ამპლუა: მარჯვენა მცველი
ყოფილი გუნდი: ოსერი
ნომერი: 3
გუნდში მოსვლის თარიღი: 12 ივლისი, 2007 წელი

დებიუტი: 19 ივლისი, 2007 წელი

პირველი გოლი: ჩელსისთან 23 მარტი 2008 წელი

 

ბიოგრაფია
ბაკარი სანია დაიბადა 1983 წლის 14 თებერვალს საფრანგეთის ქალაქ სენსში. ბაკარის მშობლები წარმოშობით სენეგალიდან იყვნენ. სანიას ძირითადი პოზიცია მარჯვენა მცველია, მაგრამ მას ასევე შეუძლია მარცხენა მცველად და ცენტრალურ ნახევარმცველად თამაში.

 

ოსერი
თავისი პროფესიონალური კარიერა სანიამ დაიწყო კლუბ ოსერში. 2005 წელს ბაკარიმ თავისი პირველი თასი მოიგო. მისმა გუნდმა საფრანგეთის თასის მოგება შეძლო. 2006-2007 წლების სეზონში სანიამ მონაწილეობა მიიღო ჩემპიონთა ლიგაში ხოლო საფრანგეთის ახალგაზრდულ ნაკრებთან ერთად ევროპის ახალგაზრდული ჩემპიონატის ნახევარ ფინალში გავიდა.პირველი გამოძახება ნაკრებში ბაკარიმ მიიღო 2007 წლის 24 მაისს 2008 წლის ევროპის ჩემპიონატის შესარჩევ მატჩზე საქართველოს წინააღმდეგ.

 

არსენალი
2007 წლის 18 ივლისს ბაკარიმ ოფიციალური კონტრაქტი გააფორმა არსენალთან. მან მესამე ნომერი მიიღო .ბაკარის დებიუტი არსენალის ფორმით შედგა ამხანაგურ შეხვედრაში თურქული კლუბის "გაზიანთეფის"წინააღმდეგ. 2008 წლის 23 მარტს ბაკარიმ თავისი პირველი გოლი გაიტანა არსენალის შემადგენლობაში ჩელსის წინააღმდეგ სტემფორდ ბრიჯზე. ეს გოლი ძალიან მნიშვნელოვანი იყო მისთვის, რადგანაც ამ თამაშამდე 2 კვირით ადრე მას უფროსი ძმა გარდაეცვალა. თავისი პირველი გოლი ბაკარიმ ზუსტად მას მიუძღვნა. 2007-2008 წლების სეზონის მერე ბაკარის შრომა დააფასეს და ის პრემიერ-ლიგის სიმბოლურ ნაკრებში შეიყვანეს. 2008 წელს ზაფხულში ბაკარიმ არსენალთან კონტრაქტი 2014 წლამდე გაახანგრძლივა.

 

ნაკრები
პირველად ბაკარი საფრანგეთის ნაკრებში 2007 წლის 24 აგვისტოს ამხანაგურ თამაშში სლოვენიის წინააღმდეგ გამოიძახეს. ეს თამაში ფრანგებმა 1-0 მოიგეს. პირველი ოფიციალური მატჩი ბაკარისთვის იყო 2008 წლის ევროპის შესარჩევი ეტაპის მატჩი სადაც ფრანგები ფარერებს ხვდებოდნენ. ეს თამაში ასევე ფრანგებმა მოიგეს ანგარიშით 6-0.

 

 

მთარგმნელი: რატი ლომიძე